Sala de teatro Roberto Vidal Bolaño / novembro 2020

(Fotografía: F. Riccoboni)

Estes próximos días 19, 20, 26 e 27 de novembro (xoves e venres) presentaremos na sala de teatro Roberto Vidal Bolaño o traballo que retomamos este curso académico, “En inverno non vai tempo para ir á praia pero ti insistiches en ir e facer un pic-nic”. As funcións terán lugar ás 20,00 horas.

Para reservar as entradas (máximo 2 por persoa) podes facelo de dúas maneiras:

1. Dirixirte ao correo electrónico “area.cultura@usc.es” indicando o día que queres ir, o teu nome e apelidos e un teléfono de contacto. Despois, debes retirar o billete de entrada ás 19,30 h na sala de teatro Roberto Vidal Bolaño. As entradas non retiradas á esa hora pasarán a disposición das persoas que acudisen á sala a retirar o seu billete de entrada.
2. Podes acudir entre 19,35h e 19,50h á sala a solicitar unha entrada das que non fosen retiradas ás 19,30h. (de darse o caso). Só poderás retirar entrada para ese día e deberás, igualmente, aportar o teu nome, apelidos e teléfono de contacto.

(Fotos: Alberte Peitavel)

Manuel Fernández García

Diego Rodríguez Vila

NEE BARROS FERNÁNDEZ

PAULA Y. BERMÚDEZ FERNÁNDEZ

XIANA FOLE GARZA

LAURA LÓPEZ ESTEBAN

SABELA PÉREZ CASTRO

Publicamos a continuación o calendario de inicio da nosa actividade. Tamén podes consultar xa nesta web o programa docente da escola de teatro para este curso académico, así como as datas e condicións de matrícula.

xoves 24 de setembro: ás 19,00 horas presentación do programa na sala de teatro Roberto Vidal Bolaño, onde poderás resolver todas as túas dúbidas e coñecer de primeira man a actividade da escola e da compañía de teatro.

luns 28, martes 29 e mércores 30 (setembro): probas de acceso para a escola e á compañía de teatro. Desde as 18,00 horas, na sala de teatro Roberto Vidal Bolaño.

luns 5 de outubro: inicio de matrícula na escola de teatro.

martes 13 de outubro: inicio das aulas na escola de teatro.

O día 14 de setembro farase pública a programación e as datas de convocatoria da actividade que imos desenvolver o próximo curso académico.

Adiantamos algunha información:

• xoves 1 de outubro: ás 19,00 horas presentación do programa na sala de teatro Roberto Vidal Bolaño, onde poderás resolver todas as túas dúbidas e coñecer de primeira man a actividade da escola e da compañía de teatro.
• luns 5, martes 6 e mércores 7 (outubro): probas de acceso para a escola e á compañía de teatro. Desde as 18,00 horas, na sala de teatro Roberto Vidal Bolaño.
• martes 13 de outubro: inicio de matrícula na escola de teatro.
• martes 20 de outubro: inicio das aulas na escola de teatro.

Por outra parte, o próximo curso académico poñerase en marcha un Laboratorio de Escrita Dramática (LED), que desenvolverá a súa actividade entre outubro 2020 e abril 2021.

Despois dunhas semanas de traballo intenso, velaquí tedes o programa do festival de artes escénicas, USCÉNICA 2020, que a Universidade de Santiago de Compostela pon andar entre o 1 e o 18 de xullo.

Podedes coñecer todo o programa neste enlace: https://uscenica.com/

Despois de falar cos alumnos de Dirección da nosa escola de teatro decidimos retomar -vía internet- as aulas que viñamos impartindo no presente curso académico, ás que se suman os compañeiros de Interpretación.

Desde aquí queremos enviar un abrazo de ánimo a todos os colectivos universitarios que estaban traballando nos seus proxectos escénicos e que a presente situación sanitaria impuxo un parón, abrazo que facemos extensivo ás compañeiras e compañeiros da ESAD de Galicia que verán, tamén, detido o seu proceso de traballo.

Ánimo e quedade na casa!

Este mércores día 4 estaremos no CUVI, no Teatro da Cidade Universitaria do campus de Vigo, ás 18,30 horas, no marco da XXII MITEU Vigo, co noso traballo: “En inverno non vai tempo para ir á praia pero ti insistiches en ir e facer un pic-nic”.