Este xoves 20 e venres 21 de xuño presentaremos “A muller que tiña medo e marchou vivir ao Carrefour”.
Ás 21,00 horas na sala Roberto Vidal Bolaño.
Despacho de entradas desde as 20,30 horas
Á volta destas vacacións comeza a XX MOSTRA DE TEATRO UNIVERSITARIO DE GALICIA, onde 10 traballos procedentes das tres universidades galegas serán presentados no Teatro Principal e na sala de teatro Roberto Vidal Bolaño.
Entre os días 22 de abril e 16 de maio, 7 compañías da USC, 2 da Universidade de Vigo e 1 da Universidade da Coruña amosarán as súas montaxes escénicas desde as 21,00h (os días 14 e 16 de maio haberá dobre función).
A entrada é de balde previo paso polo despacho de entradas, aberto desde as 18,00h no caso do Teatro Principal e desde as 20,30h na sala Roberto Vidal Bolaño.
Benvidos!
Neste pasado mes de marzo tivemos a honra de recoller varios galardóns polo noso traballo.
Por una parte, a Asociación de Actores e Actrices de Galicia (AAAG) concedeunos, xunto coa Aula de Teatro do campus de Ourense (Universidade de Vigo), o premio de honra Marisa Soto, que foi recollido na gala dos Premios María Casares, celebrada o pasado día 21 de marzo no Teatro Rosalía de Castro, na Coruña.
Por outra parte, tras a presentación da nosa “Muller que tiña medo e marchou vivir ao Carrefour” no Festival Internacional da Beira Interior (Covilha – Portugal) o día 23 de marzo, recibimos o premio do Público e máis o do Xurado.
Moi agradecidos polo recoñecemento!
Este próximo mércores día 13 estaremos co último traballo da nosa compañía na XXI MITEU VIGO.
A función terá lugar ás 18,30 no auditorio do CUVI e a entrada é de balde ata completar aforo.
Queremos agradecer á AAAG a concesión deste premio que, desde logo, é compartido con todas as persoas que pasaron por este espazo de formación. Ao longo destes anos, un total de 1.686 estudantes pasaron polos programas de formación e a escola de teatro, 135 intérpretes formaron parte dos elencos das producións escénicas da Aula e 29 foron os asistentes de dirección. Moitas destas persoas, como indica a concesión do premio, forman parte hoxe do tecido profesional do teatro e do audiovisual deste país o que, como sinala a acta “achega unha idea do enorme labor de canteira desenvolvido pola Aula”.
Grazas a todos!
https://xornal.usc.es/xornal/acontece/2019_02/noticia_0093.html
Xa está aberto o prazo para presentar proxectos á convocatoria de axudas á produción escénica, que remata o próximo día 15 de marzo.
Comeza o XXV FESTIVAL INTERNACIONAL DE TEATRO UNIVERSITARIO o próximo martes 19 de febreiro co último traballo da nosa compañía, “A muller que tiña medo e marcho vivir ao Carrefour”.
A cita é no Teatro Principal de Santiago de Compostela ás 21,00 horas.
