FUNCIÓNS 19, 20, 26, 27 DE NOVEMBRO DE “En inverno non vai tempo para ir á praia pero ti insistiches en ir e facer un pic-nic”

Estes próximos días 19, 20, 26 e 27 de novembro (xoves e venres) presentaremos na sala de teatro Roberto Vidal Bolaño o traballo que retomamos este curso académico, “En inverno non vai tempo para ir á praia pero ti insistiches en ir e facer un pic-nic”. As funcións terán lugar ás 20,00 horas.

Para reservar as entradas (máximo 2 por persoa) podes facelo de dúas maneiras:

  1. Dirixirte ao correo electrónico “area.cultura@usc.es” indicando o día que queres ir, o teu nome e apelidos e un teléfono de contacto. Despois, debes retirar o billete de entrada ás 19,30 h na sala de teatro Roberto Vidal Bolaño. As entradas non retiradas á esa hora pasarán a disposición das persoas que acudisen á sala a retirar o seu billete de entrada.
  2. Podes acudir entre 19,35h e 19,50h á sala a solicitar unha entrada das que non fosen retiradas ás 19,30h. (de darse o caso). Só poderás retirar entrada para ese día e deberás, igualmente, aportar o teu nome, apelidos e teléfono de contacto.

(Fotos: Alberte Peitavel)

RELACIÓN DE PERSOAS ADMITIDAS NA ESCOLA DE TEATRO (1º e 2º INTERPRETACIÓN) / 2020 – 2021

1º INTERPRETACIÓN
Nome e apelidos
Alejandro García Canal
Gael Núñez Vázquez
Laura Domínguez Valeiras
Xiana Martelo Castaño
Letizia Sanchioni
Lucía Méndez Ferreiro
Iván Pazó Rial
Irene Fraga Cuña
LISTA AGARDA – 1º INTERPRETACIÓN
Nome e apelidos
Carmen Figueroa López
Paulo Miguel Mouriño Pereiro
Laura Codesido Mella
Alberto Pérez Rodríguez
2º INTERPRETACIÓN
Nome e apelidos
Sofía López Bautista
Claudia Montes Lamartín
Raquel Pérez Lois

MODIFICACIÓN DAS DATAS DE CONVOCATORIA DA ACTIVIDADE TEATRAL PARA O CURSO ACADÉMICO 2020 – 2021.

Publicamos a continuación o calendario de inicio da nosa actividade. Tamén podes consultar xa nesta web o programa docente da escola de teatro para este curso académico, así como as datas e condicións de matrícula.

xoves 24 de setembro: ás 19,00 horas presentación do programa na sala de teatro Roberto Vidal Bolaño, onde poderás resolver todas as túas dúbidas e coñecer de primeira man a actividade da escola e da compañía de teatro.

luns 28, martes 29 e mércores 30 (setembro): probas de acceso para a escola e á compañía de teatro. Desde as 18,00 horas, na sala de teatro Roberto Vidal Bolaño.

luns 5 de outubro: inicio de matrícula na escola de teatro.

martes 13 de outubro: inicio das aulas na escola de teatro.

CONVOCATORIA DA ACTIVIDADE TEATRAL PARA O CURSO ACADÉMICO 2020 – 2021

O día 14 de setembro farase pública a programación e as datas de convocatoria da actividade que imos desenvolver o próximo curso académico.

Adiantamos algunha información:

  • xoves 1 de outubro: ás 19,00 horas presentación do programa na sala de teatro Roberto Vidal Bolaño, onde poderás resolver todas as túas dúbidas e coñecer de primeira man a actividade da escola e da compañía de teatro.
  • luns 5, martes 6 e mércores 7 (outubro): probas de acceso para a escola e á compañía de teatro. Desde as 18,00 horas, na sala de teatro Roberto Vidal Bolaño.
  • martes 13 de outubro: inicio de matrícula na escola de teatro.
  • martes 20 de outubro: inicio das aulas na escola de teatro.

Por outra parte, o próximo curso académico poñerase en marcha un Laboratorio de Escrita Dramática (LED), que desenvolverá a súa actividade entre outubro 2020 e abril 2021.

A escola de teatro retoma as súas aulas de Dirección

Despois de falar cos alumnos de Dirección da nosa escola de teatro decidimos retomar -vía internet- as aulas que viñamos impartindo no presente curso académico, ás que se suman os compañeiros de Interpretación.

Desde aquí queremos enviar un abrazo de ánimo a todos os colectivos universitarios que estaban traballando nos seus proxectos escénicos e que a presente situación sanitaria impuxo un parón, abrazo que facemos extensivo ás compañeiras e compañeiros da ESAD de Galicia que verán, tamén, detido o seu proceso de traballo.

Ánimo e quedade na casa!

O XXVI FITU terá lugar entre o 10 e o 14 de febreiro, no Salón Teatro de Santiago de Compostela

O Festival Internacional de Teatro Universitario chega á súa XXVI edición. Entre os días 10 e 14 de febreiro compañías procedentes de Portugal, Lituania e España, ademáis da nosa compañía de teatro, presentarán os seus traballos no Salón Teatro de Santiago de Compostela.

As funcións terán lugar ás 21,00h e a entrada será de balde, previo paso pola billeteira, aberta desde as 19,00h

83132618_112552966866237_6943834108896215040_n