CURSO DE INICIACIÓN AO TEATRO

O curso terá lugar todos os mércores desde o 29 de setembro ata o 15 de decembro (2021), de 19,30h a 21,30h, na sala Luísa Cuesta ubicada no baixo da cafetería da residencia universitaria “Burgo das Nacións”.

Durante o curso poderás ter unha toma de contacto coas principais ferramentas de traballo dun intérprete: a importancia do corpo, o coidado da voz, cuestións principais de ritmo, escoita en escena… Por outra parte, no caso de que estivesedes interesadas/os en continuar, farase unha segunda parte deste curso para ampliar e afianzar coñecementos, entre o mércores 2 de febreiro e o mércores 6 de abril de 2022.

Para acceder a este curso debes presentarte ás probas de acceso que se realizan a comezos de curso académico (días 13, 14 e 15 de setembro de 2021, na sala de teatro Roberto Vidal Bolaño, desde as 18,00h)

Prazas: 10

Prezo da matrícula:

Comunidade universitaria: 70 euros

Taxa xeral: 120 euros