Este próximo mércores día 13 estaremos co último traballo da nosa compañía na XXI MITEU VIGO.
A función terá lugar ás 18,30 no auditorio do CUVI e a entrada é de balde ata completar aforo.
Queremos agradecer á AAAG a concesión deste premio que, desde logo, é compartido con todas as persoas que pasaron por este espazo de formación. Ao longo destes anos, un total de 1.686 estudantes pasaron polos programas de formación e a escola de teatro, 135 intérpretes formaron parte dos elencos das producións escénicas da Aula e 29 foron os asistentes de dirección. Moitas destas persoas, como indica a concesión do premio, forman parte hoxe do tecido profesional do teatro e do audiovisual deste país o que, como sinala a acta “achega unha idea do enorme labor de canteira desenvolvido pola Aula”.
Grazas a todos!
https://xornal.usc.es/xornal/acontece/2019_02/noticia_0093.html
Xa está aberto o prazo para presentar proxectos á convocatoria de axudas á produción escénica, que remata o próximo día 15 de marzo.
Comeza o XXV FESTIVAL INTERNACIONAL DE TEATRO UNIVERSITARIO o próximo martes 19 de febreiro co último traballo da nosa compañía, “A muller que tiña medo e marcho vivir ao Carrefour”.
A cita é no Teatro Principal de Santiago de Compostela ás 21,00 horas.
Un ano máis achégase a cita co FITU, que nesta ocasión terá lugar entre o 19 e o 22 de febreiro no Teatro Principal de Santiago de Compostela.
As funcións terán lugar ás 21,00h e o despacho de entradas abrirá desde as 18,00h
As imaxes corresponden á estrea do pasado día 3 decembro de 2018 no Teatro Prinicipal de Santiago de Compostela. As fotos son de Diego López Curros.
Este xoves día 13 de decembro os alumnos de 1º de interpretación da escola presentarán o seu exercicio de final de trimestre, ás 21,00 horas na sala Roberto Vidal Bolaño.
A entrada é de balde ata completar aforo.
Xa temos data para a estrea do novo traballo da nosa compañía.
O próximo luns día 3 de decembro, ás 21,00 horas no Teatro Principal de Santiago de Compostela.
Convocatoria de acceso para a ESCOLA de TEATRO e para a COMPAÑÍA de TEATRO.
As persoas interesadas deberán presentarse a unhas probas, as mesmas para a escola e a compañía, que terán lugar este mes de setembro na sala Roberto Vidal Bolaño (https://auladeteatrodausc.com/sala-roberto-vidal-bolano/) os días 17 e 18 (desde ás 18,00h) e o día 19 (desde as 19,30h),
Por outra parte, o día 13 de setembro haberá unha sesión informativa na sala Roberto Vidal Bolaño na que se explicará o programa deste curso académico e que servirá para resolver calquera dúbida sobre o mesmo.
O programa de estudos da escola así como taxas e datas de matrícula xa o podes consultar na nosa web.
