O próximo día 16 de marzo comezamos coa xira de ANTROPOLOXÍA DO BICO, que estreamos o pasado mes de febreiro no marco do FITU en Santiago de Compostela. Estaremos en Portugal no Festival Internacional de Teatro Universitario da Universidade da Beira Interior.
fotos: KAKUM
O próximo martes 6 de febreiro estreamos un traballo realizado pola compañía e a Escola de Teatro da USC, no Salón Teatro de Santiago de Compostela, ás 21,00h. A entrada é de balde, previo paso pola billeteira, aberta desde ás 19,00h.
ANTROPOLOXÍA DO BICO é unha reflexión sobre a imposibilidade da linguaxe, o pensamento de Maurice Blanchot e Derrida, a feira de Chantada e a alerxia ao kiwi.
A reflexión dura 40 minutos.
FITU 2024
A Universidade de Santiago de Compostela, a través da súa Aula de Teatro, organiza anualmente o FITU (Festival Internacional de Teatro Universitario), cita onde teñen cabida propostas de moi diferente estilo e procedencia xeográfica e que constitúe un espazo de coñecemento e intercambio de ideas que, ata o día de hoxe,acolleu traballos procedentes de Vigo, Ourense, A Coruña, Lugo, Pontevedra, Murcia, Cádiz, Xaén, Madrid, Barcelona, Pamplona, Burgos, Granada, Alacante, Badaxoz, Valencia… e de países como Noruega, Lituania, Estonia, Marrocos, Porto Rico, Chile, Colombia, Francia, Bélxica, Reino Unido, Portugal, Macedonia, Rusia, Costa de Marfil, Tunisia, etc.
1. OBXECTO
Recollida de propostas para participar na XXVIII edición do seu Festival Internacional de Teatro Universitario, que terá lugar entre os días 5 e 10 de febreiro de 2024
2. CONDICIÓNS DE PARTICIPACIÓN
2.1. Poderán participar compañías procedentes de calquera espazo educativo: universidades, escolas superiores de arte dramática, aulas de teatro… Non é preciso que a proposta acuda en calidade representativa da institución; so é condición necesaria que o/s integrante/s da compañía estean matriculados nos seus centros educativos.
2.2. As compañías programadas deberán cubrir os seus gastos de traslado ata Santiago de Compostela. Os traslados internos correrán a conta da organización do festival.
2.3. A organización asumirá os gastos dos seguintes conceptos:
a. Aloxamento e manutención das persoas integrantes das compañías (equipo técnico e artístico) ata un máximo de 10 por compañía durante un período máximo de 3 noites.
b. No caso de compañías procedentes do estranxeiro poderá ampliarse o prazo ata un máximo de 8 noites.
2.4. Os traballos serán presentados no Salón Teatro (https://centrodramatico.xunta.gal/cdg/salonteatro/) e na sala de teatro Roberto Vidal Bolaño (https://auladeteatrodausc.com/sala-roberto-vidal-bolano/). Ocasionalmente, segundo as necesidades das propostas, poderán valorarse outros espazos da cidade.
3. PROPOSTAS
3.1. Poderá presentarse calquera traballo de carácter escénico con independencia do seu perfil estético: pezas de corte máis tradicional, de traballo físico, pos dramático, híbrido… Calquera proposta escénica é benvida. A duración do traballo deberá ser dun mínimo de 15 minutos, sen que exista un máximo de tempo para a proposta.
3.2. As solicitudes deberán enviarse ao enderezo electrónico roberto.salgueiro@usc.es e deberán aportar, nunha primeira fase, a seguinte información:
Tras unha primeira avaliación, nunha segunda fase solicitarase ampliar esta información a través dun formulario.
3.3. O prazo de presentación de solicitudes rematará o día 19 de xaneiro de 2024.
4. SELECCIÓN
4.1. Avaliarase a calidade artística da proposta, a súa viabilidade técnica e o número de integrantes da mesma (preferiblemente, propostas que non excedan os 10 integrantes)
4.2. O resultado da selección darase a coñecer ao longo do mes de xaneiro de 2024 e crearase unha lista de agarda por se algunha compañía chegase a fallar.
4.3. Cada compañía recibirá por escrito un convite oficial.
5. ACEPTACIÓN DAS NORMAS
5.1. A participación no FITU 2024 supón a plena aceptación de todas as súas bases reguladoras.
ALBA PESQUEIRA
BLANCA QUIÑONES
LAURA LÓPEZ
AIRA PORTOS
ESCOLA DE TEATRO
1º Interpretación
CRISTINA PÉREZ AMIGO
MARÍA BURGO LÓPEZ
MANUEL TIAGO BARBOSA ARESTA
JULIANNY NICOLE CAMACHO ANDRADE
UXIA SEIVANE RIVAS
LUCÍA MARYAM ÁLVAREZ FERNÁNDEZ
ALEJANDRA VALEIRO CALVO
ANTÓN TORRADO PUIME
NUMILA FERNÁNDEZ PRIETO
NEREA VARELA MOSQUERA
SUSANA FERNÁNDEZ BARCIELA
LUCÍA CASAL MUÑIZ
Lista Agarda
STELLA GONZÁLEZ FUENTES
EREA CASTELO MARTÍNEZ
CURSO DE INICIACIÓN AO TEATRO (Grupo 1 / luns 19,30h – 21,30h)
RAQUEL PARAMIO SANZ
IREA DEIVE ALBALADEJO
CANDELA ÁLVAREZ ESPIÑO
GADEA BRAVO BARRIO
ROQUE TUBIO CALO
ICÍA GARCÍA CARREGAL
LISBETH FAXAS MONTOTO
NOELIA ALONSO PAREDES
DAVID GARCÍA BLANCO
HELENA FRANCO LÓPEZ
CURSO DE INICIACIÓN AO TEATRO (Grupo 2)
MARTA ARAUJO VILLANUEVA
ANXO RUCO GENDE
MARTÍN GONZÁLEZ BERDULLAS
CLARA LAMBERDINA ERBEN VÁZQUEZ
PAULA LÓPEZ CABIDO
DIEGO VÁZQUEZ FOLGAR
ANTONIO PENA MACHO
ALEJANDRA RUIZ ÁLVAREZ
AROA GONZÁLEZ MARTÍNEZ
JAVIER SANGIO ESPIÑO
Luns 18 de setembro
PRESENTACIÓN DO PROGRAMA DA AULA DE TEATRO PARA O CURSO ACADÉMICO 2023 – 2024.
Hora: 20,00h
Lugar: Sala de Teatro Roberto Vidal Bolaño (Campus Vida – Auditorio da Universidade)
Encontro aberto a todas as persoas interesadas na actividade teatral, desde a formación ata a produción teatral. Presentaremos o programa a desenvolver durante este curso académico e poderás preguntar e resolver calquera dúbida que teñas ao respecto do traballo a realizar: probas de acceso, matrículas, contidos, etc.
Martes 19, mércores 20 e xoves 21 de setembro
PROBAS DE ACCESO
Hora: desde as 18,00h
Lugar: Sala de Teatro Roberto Vidal Bolaño (Campus Vida – Auditorio da Universidade)
Durante estes tres días podes acudir a esta convocatoria onde o que facemos é realizar unha serie de exercicios e entrevistas para coñecer o perfil das persoas que se presentan e o seu interese específico (iniciarse na arte dramática, avanzar en coñecementos, etc.) e así poder suxerirlles os espazos onde mellor poden estar: compañía de teatro, escola de teatro e/ou cursos de iniciación ao teatro.
Non precisas ter experiencia previa.
Luns 25 de setembro
Inicio da matrícula na Escola de Teatro e nos Cursos de Iniciación ao Teatro.
Unha vez confirmada a admisión nos diferentes espazos poderás formalizar a túa matrícula desde o 25 de setembro ata o 2 de outubro no enderezo electrónico area.cultura@usc.gal
Luns 2 de outubro
Inicio da actividade teatral nos diferentes espazos: Compañía de Teatro, Escola de Teatro e Cursos de Iniciación ao Teatro
No presente curso académico formáronse tres grupos de prácticas na nosa escola de teatro, integrados polas alumnas de interpretación e de dirección, que presentaron as súas propostas a partir de textos de García Lorca, Kafka e Mouawad. Tivemos que repetir función a causa do público que quedou sen entrada para o primeiro pase.
Un estupendo día de peche para unha actividade que nos reuniu durante un ano!
Durante o presente curso académico tivemos a sorte de poder compartir o noso traballo, Observacións sobre a felicidade (composición e manexo), con espectadores de Lugo, Ourense, CUVI (Vigo), Escola Superior de Arte Dramática de Galicia, A Coruña, Granada e Covilha (Portugal), onde o xurado deste certame nos outorgou o seu premio ao mellor espectáculo. E, fundamentalmente, compartimos o esforzo e a ilusión desta proposta cos espectadores de Santiago de Compostela en diversos espazos; no Salón Teatro e, principalmente, na nosa casa, na casa de todas as persoas que fan, se interesan e gozan do teatro na USC: a sala de teatro Roberto Vidal Bolaño. Un pequeno espazo, íntimo, onde todo o mundo é ben recibido.
Foto: Nuno Madaleno
