Convocatoria de acceso para a ESCOLA de TEATRO e para a COMPAÑÍA de TEATRO.

As persoas interesadas deberán presentarse a unhas probas, as mesmas para a escola e a compañía, que terán lugar no mes de setembro na sala Roberto Vidal Bolaño (https://auladeteatrodausc.com/sala-roberto-vidal-bolano/) os días 16, 17 e 18 (desde ás 18,00h)

Por outra parte, o día 12 de setembro ás 19,00 h. haberá unha sesión informativa na sala Roberto Vidal Bolaño na que se explicará o programa deste próximo curso académico e que servirá para resolver calquera dúbida sobre o mesmo.

A información relativa ao programa de estudos da escola así como ás taxas e datas de matrícula será publicada o día 2 de setembro.