Este xoves día 12 de decembro, a nosa compañía de teatro estrea a súa última peza, Agamenón, volvín do supermercado e deille unha malleira ao meu fillo, de Rodrigo García.

A función terá lugar ás 21,00h no Salón Teatro de Santiago de Compostela. A entrada é de balde e a billeteira abre desde as 19,00h (máx. 2 entradas por persoa).

ESCOLA DE TEATRO

1º Interpretación:

1º Dirección:

CURSO DE INICIACIÓN AO TEATRO (grupos 1 e 2)

GRUPO 1 – MARTES 19,30 – 21,30

GRUPO 2 – XOVES 19,30 – 21,30

Vén de facerse publico o programa teatral completo que se desenvolverá no curso académico 2024 – 2025: convocatorias dos diferentes espazos, contidos, datas, proceso de mnatrícula, etc.

Podes consultalo nos diferentes epígrafes desta web.

Se tes algunha dúbida podes dirixirte ao enderezo: area.cultura@usc.gal

Xoves 19 de setembro

PRESENTACIÓN DO PROGRAMA DA AULA DE TEATRO PARA O CURSO ACADÉMICO 2024 – 2025.

Hora: 20,00h

Lugar: Sala de Teatro Roberto Vidal Bolaño (Campus Vida – Auditorio da Universidade)

Encontro aberto a todas as persoas interesadas na actividade teatral, desde a formación ata a produción escénica. Presentaremos o programa a desenvolver durante este curso académico e poderás preguntar e resolver calquera dúbida que teñas ao respecto do traballo a realizar: probas de acceso, matrículas, contidos, profesorado, etc.

Luns 23, martes 24 e mércores 25 de setembro

PROBAS DE ACCESO

Hora: desde as 18,00h

Lugar: Sala de Teatro Roberto Vidal Bolaño (Campus Vida – Auditorio da Universidade)

Durante estes tres días podes acudir a esta convocatoria onde o que facemos é realizar unha serie de exercicios e entrevistas para coñecer o perfil das persoas que se presentan e o seu interese específico (iniciarse na arte dramática, avanzar en coñecementos, etc.) e así poder suxerirlles os espazos onde mellor poden estar: compañía de teatro, escola de teatro e/ou cursos de iniciación ao teatro.

Non precisas ter experiencia previa.

Luns 30 de setembro

Inicio da matrícula na Escola de Teatro e nos Cursos de Iniciación ao Teatro.

Unha vez confirmada a admisión nos diferentes espazos poderás formalizar a túa matrícula desde o 30 de setembro ata o 7 de outubro no enderezo electrónico area.cultura@usc.gal

Luns 7 de outubro

Inicio da actividade teatral nos diferentes espazos: Compañía de Teatro, Escola de Teatro e Cursos de Iniciación ao Teatro

Este próximo mércores día 12 de xuño faremos unha última función da peza ANTROPOLOXÍA DO BICO (a síndrome do túnel carpiano) ás 21,00h na sala de teatro Roberto Vidal Bolaño.

Ao longo deste curso académico presentamos este traballo en diversos lugares: Auditorio Gustavo Freire de Lugo, Teatro Principal de Pontevedra, Forum Metropolitano de A Coruña, Salón Teatro de Santiago de Compostela, Teatro Principal de Ourense e tamén no estranxeiro, onde obtivemos varios premios recoñecendo o traballo do reparto: no Festival Internacional da Universidade da Beira Interior – Portugal (Premio do Xurado ao Mellor Espectáculo) e Festival Internacional de Teatro Universitario de Lituania (Premios á Interpretación Masculina e Feminina).

Este próximo martes 16 de abril os alumnos de 1º de Interpretación da nosa escola de teatro presentarán o seu exercicio final de trimestre, VARIACIÓNS GOLDBERG SOBRE HOMES, CANS E MATÍAS GALETTO (con doble “t” de trava, hijo de puta), en dous pases: ás 19,30h e ás 20,30h.

A presentación terá lugar na sala de teatro Roberto Vidal Bolaño e a entrada é de balde.